ஞாயிறு, 7 செப்டம்பர், 2014

ருத்ராவின் குறும்பாக்கள்--(2)


ருத்ராவின்  குறும்பாக்கள்--(2)


குறும்படம் 

கனவின் செங்கடல் பிளந்து 
மூன்று நிமிடங்களில் 
வாழ்ந்து காட்டுவது.


அரசியல்

கெட்ட வார்த்தைகளை 
உருட்டித்திரட்டி தரும் 
எலக்ட்ரானிக் ஓட்டிங் மெஷின்















 
இடுகையிட்டது நேரம் கருத்துகள் இல்லை:

குறும்பாக்களைப்பற்றி குறும்பாக்கள்

குறும்பாக்களைப்பற்றி குறும்பாக்கள்
========================================ருத்ரா


ஆயிரம் பக்க
எழுத்துக்களின்
"போன்சாய்" மரம்

காதல் தீயை
பற்ற வைக்கும்
சிக்கி-முக்கிக்கல்.

சங்கத்தமிழ்
அடைந்து கிடக்கும்
முத்துச்சிப்பிகள்

ஒரு சோறில்
ஒன்பதாயிரம்
பசி.

எதிர்வீட்டு ஜன்னலில்
உட்கார்ந்து இருப்பவர்கள்
காளிதாசன் கம்பன்கள்.

மொழியே இல்லாத
ஹைக்கூ
குயிலின் குக்கூ.

பேனாவின் ஒற்றைப்புள்ளியில்
காதலின்
ஏழுகடல்கள்.

இரு எழுத்து போதும்
காதலின் பிரபஞ்சம் தெரிய..
"கண்"

கழி நெடிலடி எண்சீர் விருத்தமும்
கழுத்து சுளுக்கிக்கொண்டது ..அவள்
"களுக்" சிரிப்பில்.

கவிதைக்கடல் இங்கே
கர்ப்பம் தரித்த சொல்
"பாரதி"

======================================ருத்ரா
இடுகையிட்டது நேரம் கருத்துகள் இல்லை:

திங்கள், 26 மே, 2014

வேலன்டைன் குறும்பாக்கள்






வேலன்டைன் குறும்பாக்கள்
======================================ருத்ரா இ.பரமசிவன்


வேலண்டைன் விண்கலம் ஏறி
"செவ்வாய்"சென்று
ஒன்று தா என்றான்.


இது சனிக்கோள் என்றாள்
தேடினான் அங்கும் இருக்குமா
ஒரு "திருநள்ளாறு"என்று.

அட்டைகள் தோறும்
பொன்னில் "பொரித்த"
இதயங்கள்.

செல்பேசிகளில்
விநாடிகள் விழுங்கின‌
கோடி ரூபாய்களை.

பொருளாதாரம் செழித்தது.
கச்சாப்பொருளும் இச்சாப்பொருளும்
காதல் காதல் காதலே

==========================================ருத்ரா
13/02/2014  06.34 காலை.

இடுகையிட்டது நேரம் கருத்துகள் இல்லை:
இதற்கு குழுசேர்: கருத்துகள் (Atom)